Glose
Coelum apertum.[BEDA.]Apertio coeli revelatio est sacramentorum coelestium proxime futura gentibus. Designat autem in hoc coelos gentibus esse apertos, et introitum esse pandendum.Vas quoddam.[ID.]Vas illud designat Ecclesiam, etc., usque ad per quos Ecclesia coelesti dono imbuta sublimatur.Linteum.Pro Ecclesia, pro candore sanctitatis, et mortificatione carnis.De coelo in terram.[RAB.]Inde monemur, ut ubi caput nostrum est et radix (cujus rami sumus) illuc penetret anchora spei nostrae.
